როგორ შევამოწმოთ iphone-ის აუთენტურობა

როგორ შევამოწმოთ iphone-ის აუთენტურობა

ჩემთვის ხშირად დაუსვამთ შეკითხვა აიფონის ან ეფლის სხვა პროდუქციის აუთენტურობის შესახებ. თუმცა ეს შეკითხვა ცხოვრებაში სხვადასხვანაირად ჟღერს: "პატენტი ხომ არ არის!?", "ფეიქია", "ალბათ არაორიგინალია" ან სულაც "პადძელკაა?". თუმცა ამ ფორმით დასმული ნებისმიერი შეკითხვა ერთ რამეს მოიაზრებს, მკითხველს აინტერესებს არის თუ არა შესაძენი მოწყობილობა "refurbished"-ი.

"refurbished" შერემონტებას, განახლებას ნიშნავს და ეს სიტყვა უკვე დიდი ხანია დამკვიდრდა ელექტრონული გაჯეტებს სამყაროში. ვისაც ebay-ზე ან amazon.com ზე შეუძენია ნივთი მისთივს უცხო არ არის 2 ძირითადი ტიპის განახლების მაჩვენებელი წარწერა:

1. manufacturer refurbished გულისხმობს მწარმოებლის მიერ დაზიანებული ან დეფექტური ნივთის საკუთარ საწარმოში დაბრუნებას და შერემონტებას. ამ პროცესის შემდეგ გაჯეტი თავიდან მოწმდება, ხდება მისი დეზინფექცია, ხელახალი შეფუთვა გარნიტურასთან ერთად და მაღაზიაში მისი დაბრუნება. მწარმოებლის მიერ შერემონტებული მოწყობილობას ყუთზე აუცილებლად აქვს გაკეთებული წარწერა manufacturer refurbished.
2. seller refurbished აქ უკვე საქმე გვაქვს ნივთის განახლებასთან რომელიც განხორციელდა გამყიდველის მიერ. აღნიშნულ პროცესში არ ერთვება მწარმოებელი და შესაძლებელია არსებული სტანდარტები დარღვეული იყოს. გამყიდველის მიერ ნივთის გარემონტების დროს არსად მიეთითება seller refurbished წარწერა და ამ დროს შესაძლებელია მომხარებელი შეცდომაში იქნას შეყვანილი.

თუმცა ეფლის პროდუქციაზე ნებისმიერი ტიპის შერემონტება, შეკეთების და მეტიც "ოდესმე ერთხელ მაინც ჩართვის" შემოწმება მარტივად არის შესაძლებელი. საქმე იმაშია, რომ ეფლი საკუთარი პროდუქციის გააქტიურებას სპეციალურ ბაზაში აღრიცხავს. შედით შემდეგ ვებ გვერდზე: https://checkcoverage.apple.com/ და მიუთითეთ პროდუქტის IMEI კოდი ან ნომერი. თუ ვებ გვერდმა არ დაწერა, რომ გარანტია ამოწურულია ან ვადა გასდის, მაშინ ეს ნიშნავს რომ გაჯეტი არასდროს გააქტიურებულა და ის ნამდვილად ახალია. ეს წესი მოქმედებს iphone, ipad, macbook და ეფლის სხვა მოწყობილობებზე.

დღეიდან შეგიძლიათ მშვიდად შეიძინოთ ეფლის პროდუქცია